1. 黑口黑面：
子女黑口黑面吃飯，匆匆吃罷，就不發一言衝入自己房。
不宜：「我哋唔係要睇你面色，成日都黑口黑面，有邊個得罪咗你呀？」
宜：「似乎你有啲唔開心，係唔係學校有嘢令你激氣，你想講嘅時候，就話我知啦！」
2. 討價還價：
請求子女幫忙做一點家務，他就要求父母解釋為什麼要他做，亦會用不同原因推搪。
不宜：「呢個家你都有份，做少少嘢都唔得，咁叻，你唔好响度住啦！」
宜：「係咪有功課趕住要交？如果真係無時間，唔緊要啦，下次你放假，再幫媽媽手吧！」
3. 「知啦」：
測驗周，子女只顧手機不離手，一叫溫書，就只敷衍答：「知啦！」。
不宜：「剩係識講『知啦』、『知啦』，你真係知？知就唔使剩係拎住部手機唔放，你信唔信我cut你WiFi！」
宜：「係咪有嘢唔識？有無嘢我可以幫到你？」
4. 「無手尾」：
子女把穿過的衣物亂放，又會把用過的碗碟留在桌上，沒有「手尾」，令到周圍都亂七八糟！
不宜：主動替子女執拾，或一邊罵，又一邊執拾
宜：「我想你做個負責任嘅人，自己管理好自己嘅物品，你的無手尾會影響到我哋，令我覺得唔舒服！」
5. 「十問九唔應」：
子女回家後悶悶不樂，只把自己關在房間，「十問九唔應」，只說自己沒事。
不宜：大力拍門，說「你發生咩事？係咪有人蝦你？你『十問九唔應』，你想我點？」
宜：「你係咪有煩惱？我好擔心你，無論發生咩事，父母都會企响你身邊，支持你，你可以，就同我哋講啦！」
6. 「烏眉瞌睡」：
子女半夜三更也不願意睡覺，翌日就賴床，沒精打采，遲到上學。
不宜：「一早就話咗你啦，成日都唔聽人講嘢，都唔知半夜三更响度做乜，係咪又打機？」
宜：「哎，係咪好攰呀？我好擔心你夜訓，身體唔好啊！」
7. 「死蛇爛鱔」：
-
子女「死蛇爛鱔」躺在沙發，只拿著手機，動也不動。
不宜：「梳化係攞嚟坐㗎，你唔好『死蛇爛鱔』攤响度，正一懶蟲！」
宜：「麻煩你借一借，我都想坐梳化，你係咪有嘢未諗通？使唔使幫？」
8. 「講你都唔明」：
當想關心子女讀書狀況時，他就會一句「講你都唔明㗎啦！」，然後，拒絕溝通。
不宜：「問你一句喳嘛，使唔使咁講嘢，我係你老豆/阿媽嚟㗎，你識唔識尊重㗎？」
宜：「可能我真係會唔明，但你唔講，我真係無機會明啊！」
9. 「是是但但」：
子女讀書態度隨隨便便，馬馬虎虎，沒有興趣，沒有理想，沒有期望，跟他討論將來，只輕輕回答「是但啦！」。
不宜：「咩『是但』丫，你一啲都唔緊張自己嘅將來，你想第時乞食呀！」
宜：「點呀，係咪讀書有啲辛苦？我係有啲擔心嘅，你想唔想我同你一齊研究下將來讀邊科好？」
10. 「唔好屈我」：
父母想跟子女澄清一些事情，他們就會二話不說：「你唔好屈我，我唔係咁！」，然很就匆匆走入房。
不宜：「你幾時有屈你？問多兩句就咁嘅反應，你無嘢丫嘛？！」
宜：「唔好意思，我頭先誤會咗你，不如你慢慢講，等我明白你。」
開始好容易
免費諮詢
如需要諮詢有關處理親子關係，可電郵：csrp@hku.hk，於24小時內以電郵回覆。如需要電話直接諮詢，請於辦公時間內致電：2831 5232
預約工作坊
或致電：2831 5232 報名